Saturday, 24 March 2018

Samsung ne apne mid-range smartphones mein ek aur smartphone launch kar diya hain jo ki Galaxy J7 Prime ka ek successor hai aur nam rakha hain Samsung Galaxy J7 Prime 2.
Samsung Galaxy J7 Prime 2 ek 5.5 inch screen ke saath aane wala mobile hai jismein Full HD TFT display Gorilla Glass protection milta hain. Iss phone mein 1.6GHz Octa-Core Exynos 7870 processor hain jiske saath 3GB RAM aur 32GB ki internal memory milti hain aur yeh 256GB tak badhayi ja sakti hain. Saath hi mein jo fingerprint sensor milta hain wo home button ke sath equipped kiya gaya hain.

Cameras ke baare mein baate karein to yaha hume dono hi rear aur front camera 13MP aur f/1.9 aperture ke milte hain. Rear mein LED flash dekhne ko milta hain to front mein selfies ke liye selfie flash diya gaya hain.
Android Nougat ke saath aane wale is phone mein 3300 mAh ki battery milti hain jo ki 21 hours ka talktime dene ki capacity rakhti hain. Dual SIM 4G support hone wala yeh phone Black aur Gold colour mein ₹13990 ki price me milega.

Galaxy J7 Prime 2 mein Samsung Mall aur Samsung Pay Mini yeh features milte hain. Samsung Mall mein aap photos click kar ke searching aur shopping kar sakte ho toh Samsung Pay Mini digital payment ke liye use kiya ja sakta hain.

Maje ki baat yeh hai ki abhi yeh smartphone Samsung ki website par "Sold Out" dikha raha hain jo ki ek mistake ya koi error ho sakta hain. Haalanki Samsung ne abhi tak is phone ke availability ko le kar abhi tak koi baat nahi ki hain. Par jaise hi iski selling start hogi, yeh baat aap tak pahunch jayegi.

Aise hi aur tech, mobile, gadgets related updates ke liye like kijiye hamara Facebook page.

Post a Comment: