Wednesday, 28 March 2018

P20 aur P20 Pro ke saath Huawei ne ek naya smartphone Huawei Mate RS Porsche Design launch kiya hain. Is phone ki design bahot hi premium hain aur yeh smartphone flagship specifications ke saath aata hain jiska base model 6GB RAM aur 256GB storage ke sath dekhne ko milta hain.

Yeh smartphone aerospace cooling technology ka istemal karta hain jo phone ko har time cool rakhta hain. Mate RS water aur dust resistance se certified hain.  Iss phone mein ek fingerprint sensor screen ke andar lagaya hain to ek fingerprint sensor picche lagaya hain. Huawei Mate RS yeh huawei ka pehla aisa smartphone hoga jo ki wireless charging ko support karega.

6 inch OLED curved display ke sath aane wale is phone me HiSilicon Kirin 970 Octa-core chipset lagaya hain. Android 8.1 Oreo based phone mein EMUI 8 dekhne ko milta hain.
Huawei Mate RS Porsche Design smartphone mein 3 cameras lagaye hain. 40MP ka primary camera jo ki 5x hybrid zoom ko support karta hain. 8MP ka secondary camera 3x optical zoom ke sath portrait mode ke liye bhi help karta hain. 20MP ke sath aane wala monochrome sensor sharpness aur contrast acche se capture karne ke liye help karta hain.

Front camera ki baat karein to yaha 24MP ka camera diya gaya hain jismein AI beautification feature bhi diya gaya hain. Ye camera selfie click karne ke sath face unlock ke liye bhi use kiya gaya hain. Iske sath aap 3D Protrait Lighting pictures click karta hain aur yeh same iPhone X ke Protrait Lighting effect jaisa lagta hain.

Yeh smartphone 1600 Euros mein (₹1,36,000) 6GB RAM + 256GB storage ke liye available hain to 6GB RAM + 512GB storage ka phone 2095 Euros (₹1,68,000) mein milega.

India mein yeh smartphone kab aayega iske baare mein to abhi tak kucch pata nahi par. Huawei P20 series ke smartphones jismein bhi 3 cameras lagaye hain, wo next month mein India mein available honge.

Post a Comment: