Wednesday, 21 March 2018

China based company Itel ne India mein budget segment ke andar 18:9 aspect ratio wale S42 aur A44 smartohones launched kar diye hain jinki price hai ₹8,499 aur ₹5,799.

Isi ke saath company ne A44 Pro ki bhi announcement kar di hain jo mid-April tak India mein launch ho sakta hain.

Bata de ki Itel ek chinese mobile company hain jo ki offline sell hone wale feature phones banati hain aur abhi is ne budget smartphone mein bhi apna kadam rakha hain.

Itel S42 ek selfie focused aur 5.65 inch HD+ 18:9 aspect ratio display ke saath aane wala smartphone hain.

Iss phone mein 13MP ka rear camera hain jismein PDAF aur dual LED flash laga hua hain. Aur 13MP ka f/2.0 aperture aur flash ke saath aane wala front camera hain.

Yeh phone Qualcomm Snapdragon 425 chipset ke saath aata hain jismein 3GB RAM aur 16GB internal storage istemal karne ko milta hain.

Android 8.0 Oreo pe chalne wale is phone mein 3000 mAh ki battery lagi huyi hain.
Itel 44 ki baat karein to ismein 5MP ka front aur 5MP ka rear camera hain aur dono mein flash laga hua hain.

Itel A44 mein 1GB RAM aur 8GB internal storage hain jo ki 32GB tak badhaya ja sakta hain.

Yeh Android 7.0 Nougat pe chalne wala smartphone hain jismein 2400 mAh ki battery milti hain.

Itel S42 aur A44 dono mein fingerprint sensor lagaya hua hain. Yeh phones champagne black, rose gold aur red colours me available hain.

Dono hi mobile India me offline stores se sell kiye jayenge. Agar aapko lena hain to flash sale ka wait nahi karna padega.

Post a Comment: